Frankismoa Francoren diktaduraren garaiari deritzo, 1939tik 1975era izan zena. Espainiako 36ko gerra (1936-1939) II. Errepublikaren kontrako estatu kolpe batekin hasi zen, zeinetan Francok lidergoa lortu baitzuen, hasieran beste batzuk ere lehian zeuden arren. Hitler eta Mussoliniren laguntzari esker nagusitu ziren faxistak espainiar estatuan. Altxamendu Nazionala, Matxinada Faxista edo Espainiaren Aldeko Gurutzada deitu izan zaio. Frankismoak lurralde osoan espainiarra ez zen naziotasun espresio oro (linguistikoa, kulturala eta politikoa) zapaldu egin zuen. Mugimendu ezkertiar zein abertzaleak debekatu eta jazartzearekin batera, erregimen frankistatik urruntzen zirenen kontrako jazarpena ere hedatu zuen, aldizkariak eta irratiak itxiz. Euskaraz hitz egiteko debekuak, erbestea, kartzelak, emakumeen kontrako errepresioa, gehiegikeria polizialak, zentsura… Frankismoaren gau luzeak hamarkadak iraun zituen Euskal Herrian.